Կաթողիկոսն օրհնեց Մայր Աթոռում համախմբված հարյուրավոր մանուկներին
Մեր Տեր Հիսուս Քրիստոսի՝ Երուսաղեմ հաղթական մուտքի տոնը՝ Ծաղկազարդը, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի կողմից տարիներ առաջ հռչակվել է իբրև մանուկների օրհնության օր: Մարտի 25-ը մարդաշատ էր համայն հայության հոգևոր կենտրոնում: Վաղ առավոտյան Հայաստանի տարբեր բնակավայրերից ծնողների առաջնորդությամբ բազում մանուկներ արդեն ժամանել էին Մայր Աթոռ Սուրբ Էջմիածին՝ ստանալու Ամենայն Հայոց Հայրապետի օրհնությունն ու բարեմաղթանքները: Առավոտյան ժամերգությունից հետո, հանդիսապետությամբ Ամենայն Հայոց Կաթողիկոսի, Միածնաէջ Ս. Տաճարի առջև տեղի ունեցավ Անդաստանի արարողություն, որի ընթացքում հոգևոր դասն օրհնեց աշխարհի չորս կողմերը: Վերջում Նորին Սրբությունը տոնի առիթով իր օրհնությունը բաշխեց ներկա մանուկներին: Տերունական աղոթքից հետո Վեհափառ Հայրապետը մանուկներին խաչեր ընծայեց, ներկա ժողովրդին բաժանվեցին ուռենու օրհնված ճյուղերը: Արարողությունից հետո Ամենայն Հայոց Կաթողիկոսը հանդիպեց Մայր Աթոռ այցելած Տավուշի թեմի մի խումբ մանուկների հետ՝ ուղեկցությամբ թեմակալ առաջնորդ Գերաշնորհ Տ. Բագրատ եպիսկոպոս Գալստանյանի: Տավուշցիները Գարեգին Բ Կաթողիկոսին ընծայեցին ձիթենու ճյուղեր և իրենց ձեռքի աշխատանքները: Նորին Սրբությունը, հայրական իր օրհնությունը բերելով պատանիներին, նրանց նվիրեց խաչեր և մաղթեց, որպեսզի Աստծո սերն ու շնորհները մշտապես առատ լինեն հայ մանուկների կյանքում և ապրեն խաղաղ ու երջանիկ: |
«Չկարողացանք տեղական իշխանություններից ստանալ անհրաժեշտ հավանությունը». մանկական երկաթուղին չի վերակառուցվի
198110.04.2024, 23:36Մինչև 13 տարեկան երեխային չի կարելի նստեցնել մեքենայի առջևի նստատեղին․ ԱՆ
216327.03.2024, 23:48«Որտե՞ղ են պետական մարմինները. լույսի նման երեխային հասցրել են ծայրահեղ վիճակի»․ Զառա Հովհաննիսյան
273214.03.2024, 09:48Ծնվել է վանաձորցի ընտանիքի 12-րդ երեխան
26805.03.2024, 11:00Mickey Mouse Funhouse-ը կցուցադրի Վարդավառի տոնին նվիրված դրվագ (տեսանյութ)
148529.02.2024, 22:36Վահագն Դավթյանը՝ «օղակներ» վարժության բրոնզե մեդալակիր
23624.02.2024, 21:24