90 կողմ, 10 դեմ. Արմեն Սարգսյանն ընտրվեց ՀՀ չորրորդ նախագահ

Աժ հաշվիչ հանձնաժողովը հրապարակեց ՀՀ նախագահի ընտրության փակ, գաղտնի քվեարկության արդյունքները:

Ձայները բաշխվեցին հետևյալ կերպ՝ 90 կողմ, 10 դեմ:

Արմեն Սարգսյանն ընտրվեց ՀՀ չորրորդ նախագահ: Նա իր լիազորությունները կստանձնի գործող նախագահի լիազորությունների ավարտին՝ ապրիլի 9-ին, ԱԺ հատուկ նիստի ժամանակ:

«Ուզում եմ շնորհակալություն հայտնել բոլոր պատգամավորներին քվեարկության համար: Իմ երկար տարիների գիտելիքը, փորձառությունը և եռանդը կներդնեմ ՀՀ նախագահի պարտականությունները լիովին կատարելու համար՝ ծառայելով ՀՀ քաղաքացիներին ու ժողովրդին»,- իր ելույթում քիչ առաջ ասաց նորընտիր նախագահը:

Հիշեցնենք՝ Արմեն Սարգսյանը ՀՀ նախագահի պաշտոնում առաջադրվել էր ԱԺ «Հայաստանի Հանրապետական կուսակցություն» և «Հայ Յեղափոխական Դաշնակցություն» խմբակցությունների 65 պատգամավորների գրավոր դիմումով: