Երևան`   +7 °C
Այսօր`   Չորեքշաբթի, 18 նոյեմբերի, 2026 թ.

Ձյուդո․ արծաթե և բրոնզե մեդալ՝ Եվրոպայի գավաթի խաղարկությունից

309
Երկուշաբթի, 12 փետրվարի, 2018 թ., 14:00
Ձյուդո․ արծաթե և բրոնզե մեդալ՝ Եվրոպայի գավաթի խաղարկությունից

Փետրվարի 10-ից 11-ը ձյուդոյի Հայաստանի պատանիների հավաքականը մասնակցել է Իտալիայի Ֆոլլոնիկա քաղաքում անցկացված Եվրոպայի գավաթի խաղարկությանը: Մրցաշարին մասնակցում էր 36 երկրի 536 մարզիկ՝ 306 ձյուդոիստ, 229 ձյուդոիստուհի: Մեր հավաքականը, ավագ մարզիչ Հովհաննես Դավթյանի գլխավորությամբ, մասնակցում էր 3 ձյուդոիստով՝ Յուրի Իսրայելյան՝ 50 կգ, Ստյոպա Դարբինյան՝ 55 կգ և Մամիկոն Ավետիսյան՝ 81 կգ։ Տղաները 2 մեդալով են վերադառնում ստուգատեսից։ Յուրի Իսրայելյանը նվաճել է արծաթե մեդալ, իսկ Ստյոպա Դարբինյանը՝ բրոնզե։ Մամիկոն Ավետիսյանը գրավել է 5-րդ տեղը:

Նշենք, որ փետրվարի 12-ից 14-ը, Ֆոլլոնիկայում միջազգային ուսումնամարզական հավաքի մասնակցելուց հետո, պատանի ձյուդոիստները կմեկնեն Իսպանիայի Ֆուենգիրոլա քաղաք՝ փետրվարի 17-ից 18-ը Եվրոպայի գավաթի խաղարկությանը մասնակցելու։