Երևան`   +8 °C
Այսօր`   Երեքշաբթի, 17 նոյեմբերի, 2026 թ.

«Պետք է հնարավորինս շուտ փակվի Հայաստանի ատոմակայանը». Դիրկ Լորենց

481
Երեքշաբթի, 30 հունվարի, 2018 թ., 14:30
«Պետք է հնարավորինս շուտ փակվի Հայաստանի ատոմակայանը». Դիրկ Լորենց

«Հավատացած ենք, որ պետք է հնարավորինս շուտ փակվի Հայաստանի ատոմակայանը, քանի որ հնարավոր չէ այն բարելավել այնպես, որպեսզի ամբողջովին համապատասխանի անվտանգության միջազգային պահանջներին: Միևնույն ժամանակ հասկանում ենք, որ Հայաստանի համար կարևոր է էներգետիկ անվտանգությունը ու դա պետք է հաշվի առնել: Ֆուկուսիմայի ողբերգական դեպքից հետո Եվրոպական միությունում գտնվող ատոմակայանների սթրես-թեսթեր անցկացրեցինք, այդպիսին նաև Հայաստանն իրականացրեց և այժմ կարևոր է այդ սթրես-թեսթերի արդյունքները կյանքի կոչել, այսինքն՝ անել այն, ինչ հնարավոր է իրականացնել ատոմակայանի անվտանգության մակարդակը բարձրացնելու համար»,- լրագրողների հետ զրույցում ասել է Եվրոպական արտաքին գործողությունների ծառայության Արևելյան գործընկերության երկկողմ հարաբերությունների ստորաբաժանման ղեկավարի տեղակալ Դիրկ Լորենցը:

Նշենք, որ Հայաստանն ատոմակայանի երկրորդ էներգաբլոկի շահագործման ժամկետի երկարաձգման աշխատանքներ է իրականացնում:

«Մենք բավականին մեծ ներդրումներ ենք արել և շարունակում ենք անել անվտանգության ստանդարտների վրա: 300 միլիոն դոլար ծրագրի գումարների մեծ մասը ներդրումներ են հենց անվտանգության վրա»,- արձագանքելով եվրոպացի պաշտոնյային՝ ասել է Էներգետիկ ենթակառուցվածքների և բնական պաշարների փոխնախարար Հայկ Հարությունյանը: