Սենսացիա՝ գեղասահքում․ Եվգենիա Մեդվեդևան զիջում է դիրքերը
![]() Մոսկվայում մեկնարկել է գեղասահքի 2018 թվականի Եվրոպայի առաջնությունը, որին Հայաստանը ներկայացնում են Սլավիկ Հայրապետյանը և Թինա Կարապետյան – Սիմոն Սենեկալ զույգը։ Այսօր պայքարը սկսեցին մենասահորդուհիները՝ կարճ ծրագրով, որի ընթացքում սենսացիա է գրանցվել։ Վերջին տարիների առաջատար Ռուսաստանը ներկայացնող Եվգենիա Մեդվեդևան չկարողացավ գրավել առաջին տեղը՝ զիջելով իր հայրենակցուհի 15-ամյա Ալինա Զագիտովային, ում գեղասահքի մասնագետներն արդեն հասցրել են հրաշամանուկ անվանել։ Ալինան տեխնիկապես հզոր ծրագրով գրավեց առաջին տեղը՝ վաստակելով 80,27 միավոր։ Մեդվեդևան, ով վնասվածքի պատճառով 1,5 ամիս է բաց թողել, երկրորդն է՝ 78,57 միավորով։ Լավագույն եռյակը եզրափակեց իտալացի հայտնի և փորձառու գեղասահորդուհի Կարոլինա Կոստները՝ վաստակելով 78,30 միավոր։ Այս արդյունքը 30-ամյա մարզուհու համար անձնական ռեկորդ է։ Հիշեցնենք, որ Հայաստանը ներկայացնող մենասահորդուհի Անաստասիա Գալուստյանը բաց է թողնում առաջնությունը՝ վնասվածքի պատճառով։ ![]() |

Նորվեգիան սահմանափակել է ռուս և բելառուս մարզիկների մուտքը
33100:43
Լատվիա-Հայաստան՝ 0:0. մեր հավաքականի դարպասապահը՝ լավագույն խաղացող
23515.11.2026, 21:12
Տիգրան Հարությունյանը հաղթել է թուրք մրցակցին ու դարձել քիքբոքսինգի Եվրոպայի չեմպիոն
20014.11.2026, 19:42
Հայկ Մարտիրոսյանը հաղթել է շախմատի աշխարհի հնգակի չեմպիոն Մագնուս Կարլսենին (տեսանյութ)
19614.11.2026, 00:30
Հայաստանն ու Կիպրոսը ոչ ոքի խաղացին
20212.11.2026, 23:24
Վահե Սուքիասյանը՝ շախմատի Եվրոպայի մինչև 18 տարեկանների կրկնակի չեմպիոն
17312.11.2026, 18:54

