Երևան`   +6 °C
Այսօր`   Երեքշաբթի, 19 մարտի, 2024 թ.

«Սասնա ծռեր»-ի գործով դատական նիստը հետաձգվեց՝ Պավլիկ Մանուկյանի առողջական խնդիրների պատճառով

280
Չորեքշաբթի, 15 օգոստոսի, 2018 թ., 14:50
«Սասնա ծռեր»-ի գործով դատական նիստը հետաձգվեց՝ Պավլիկ Մանուկյանի առողջական խնդիրների պատճառով

«Սասնա ծռեր» խմբի անդամ Պավլիկ Մանուկյանի առողջական խնդիրների պատճառով այսօր կայանալիք դատական նիստը հետաձգվել է:

Կալանքի տակ գտնվող մյուս մեղադրյալները, մինչև նիստի մեկնարկը՝ ենթադրելով, որ Պավլիկ Մանուկյանի բացակայությունով նիստը չի կայանա, իրենք ևս չէին ներկայացել դատարան:

Ըստ ՀՀ ԱՆ «Դատապարտյալների հիվանդանոց» ՔԿՀ-ի գրության Պավլիկ Մանուկյանը, որը հրազենային կոտրվածք ունի, սրտի իշեմիկ հիվանդություն, զարկերակային հիպերտենզիա և մի շարք այլ խնդիրներ, թուլություն, սրտխառնոց և սաստիկ գլխացավեր, չի կարող ներկա գտնվել դատական նիստին:

Պ. Մանուկյանն իր հերթին գրությամբ խնդրել էր դատարանին՝ իր բացակայությամբ քննել մյուս անդամների կալանքը փոխելու միջնորդությունները:

Այնուամենանիվ դատարանը որոշեց «Սասնա ծռեր»-ի անդամներ Վարուժան Ավետիսյանի, Արայիկ Խանդոյանի և մյուսների անջատված խմբի գործի քննությունը հետաձգել։ Դատավարությունը կշարունակվի օգոստոսի 17-ին։