Անհայտ անձինք Բուլղարիայում հրկիզել են Starlink-ի 11 ալեհավաք

Երկու անհայտ դիմակավորված անձինք հրկիզել են SpaceX-ի Starlink արբանյակային կապի համակարգի 11 ալեհավաք, որը գտնվում է Բուլղարիայի մայրաքաղաք Սոֆիայի մոտակայքում, հաղորդում է Բուլղարիայի ազգային հեռուստատեսությունը (BNT)՝ հղում անելով պատգամավոր Իվայլո Միրչևին։
Այրվել է 17 ալեհավաքից 11-ը։
Պատգամավորը նշել է, որ հարցումներ է ուղարկել Ազգային անվտանգության գործակալությանը (DANS) և Ներքին գործերի նախարարությանը և ակնկալում է խորհրդարանին տրամադրել լրացուցիչ տեղեկատվություն այս հարցի վերաբերյալ։ Dnes-ը հաղորդում է, որ Սոֆիայի մարզի Պլանա գյուղի մոտ գտնվող արբանյակային կապի կայանը գաղտնի կամ ռազմական օբյեկտ չէ և պատկանում է Բուլղարիայի խոշորագույն հեռահաղորդակցության օպերատորներից մեկին։