«Կայացած պետություններում ինքնիշխանության մասին չեն խոսում»․ Արա Պողոսյան

Քաղաքագետ Արա Պողոսյանը ֆեյսբուքյան իր էջում գրել է․ «Ցանկացած պետություն, որտեղ անընդհատ խոսում են ինքնիշխանության մասին, նշանակում է այնտեղ կան ինքնիշխանության հետ կապված մեծ խնդիրներ։
Մյուս կողմից՝ հավանաբար վաճառասեղանին դրված է հենց «ինքնիշխանությունը» և դրա մասին բարձր խոսքերը նպատակ ունեն բարձրացնել գինը։
Կայացած պետություններում ինքնիշխանության մասին չեն խոսում, այլ ինքնիշխանությունն իրացնում են։
Օրինակ՝ ո՛չ ոք նրանց չի համարձակվում ստիպել/առաջարկել հանրաքվե, սահմանադրության փոփոխություն, պահանջներ ուժի սպառնալիքի միջոցով։
Ինքնիշխանությունը ելույթի տեքստ չէ, այլ գործողությունների ամբողջություն, որոնք ապահովում են պետության իրավազորությունն ու իշխանությունն իր ամբողջ տարածքի նկատմամբ։
Իսկ ինքնիշխանության մասին ելույթները խոսում են հակառակի մասին․․․»։