Ճապոնիայում կիրառել են աշխարհում առաջին «սրտի կպչուն վիրակապը», որը պատրաստվել է ցողունային բջիջներից

Ճապոնիայում, առօրյա կլինիկական պրակտիկայում առաջին անգամ, հիվանդի օրգանիզմ է փոխպատվաստվել iPS ցողունային բջիջներից աճեցված «սրտի կպչուն վիրակապ»։ Վիրահատությունը կատարվել է Օսակայի հիվանդանոցում, հաղորդում է Asahi Shimbun-ը։

Վիրահատությունը տևել է 50 րոպե։ Այն կատարվել է 50-ամյա կնոջ վրա, որը տառապում էր սրտամկանի ինֆարկտից հետո սրտային ծանր անբավարարությունից։ Փոխպատվաստումը հաջող է եղել, և հիվանդը, ինչպես սպասվում է, դուրս կգրվի երկու-չորս շաբաթվա ընթացքում։

ReHeart միոկարդի կպչուն վիրակապը աշխարհում առաջին՝ iPS բջիջների վրա հիմնված վերականգնողական դեղամիջոցն է։ Այն iPS բջիջներից աճեցված կարդիոմիոցիտներից պատրաստված թերթիկ է։ Սրտի մեջ փոխպատվաստելիս այն խթանում է արյան անոթների վերականգնմանը նպաստող նյութերի արտադրությունը՝ բարելավելով և կայունացնելով օրգանի պոմպային գործառույթը։

Նմանատիպ «սրտի կպչուն վիրակապեր» օգտագործվել են նաև նախկինում, բայց միայն՝ կլինիկական փորձարկումների ժամանակ։ Ճապոնիայի առողջապահության նախարարությունը ReHeart-ը մարդկանց համար օգտագործելու համար հաստատել է այս տարվա մարտին։