«Մենք չենք սկսել պատերազմը, բայց այն կավարտվի մեր հաղթանակով». Պուտին
![]() Ռուսաստանը «չի սկսել պատերազմը» Ուկրաինայում, այլ պարզապես արձագանքել է Ուկրաինայի կառավարության կողմից սանձազերծված «ռազմական գործողություններին», հայտարարել է Ռուսաստանի նախագահ Վլադիմիր Պուտինը Սանկտ Պետերբուրգում ռազմածովային անձնակազմի հետ հանդիպման ժամանակ։ Ռուսաստանի առաջնորդը նշել է, որ Արևմուտքն «աջակցել է Կիևի ազգայնական գործողություններին», ռուսական լրատվամիջոցների հաղորդմամբ ասել է Պուտինը։ Ռուսաստանի նախագահը նաև հայտարարել է, որ կասկած չունի, որ «Հատուկ ռազմական գործողությունը» (ինչպես Ռուսաստանի իշխանությունները անվանում են Ուկրաինայի դեմ պատերազմը-խմբ.) կավարտվի Ռուսաստանի հաղթանակով։ «Այդպես էլ կլինի, դրանում կասկած չկա։ Ես ոչ մի կասկած չունեմ», - ասել է Պուտինը։ Նա նաև վստահություն հայտնեց, որ Ուկրաինան վաղ թե ուշ կկորցնի իր արևմտյան հողերը. «Ես վստահ եմ, որ վաղ թե ուշ Ուկրաինան կկորցնի այս արևմտյան հողերը՝ այն, ինչ պատկանում էր Լեհաստանին, այն, ինչ պատկանում էր Հունգարիային, այն, ինչ պատկանում էր Ռումինիային՝ վաղ թե ուշ, ոչ թե վաղը, գուցե վաղը չէ մյուս օրը, մեկ տարի, երկու, 10, 15, բայց պատմականորեն ամեն ինչ իր տեղը կընկնի։ Ուկրաինայի տարածքային ամբողջականության միայն մեկ երաշխավոր կար՝ Ռուսաստանը»,- Պուտինի խոսքերն է մեջբերում «Ինտերֆաքսը»։ Պուտինը նշել է, որ իրեն «տրամադրվում է ամբողջ տեղեկատվությունը» «ՀՌԳ»-ի ընթացքի մասին։ Նախագահը խոստովանել է, որ երբեմն հետևում է բլոգերներին Ուկրաինայում ռազմական գործողությունների վերաբերյալ։ Սակայն նա ասել է, որ «սոցիալական ցանցերում հրապարակվում է մեծ քանակությամբ տեղեկատվական աղբ», որը կարող է մոլորեցնել անտեղյակ ընթերցողին։ |

Starship-ն առաջին անգամ վերադարձել է մեկնարկային հարթակ՝ բռնվելով մեխանիկական «ձեռքեր»-մանիպուլյատորներով (լուսանկար, տեսանյութ)
74116.11.2026, 01:19
Հնագետներն Իսպանիայում հին հռոմեական արդյունաբերական մասշտաբի գինեգործության հետքեր են հայտնաբերել
41015.11.2026, 17:01
Հնագետները 5000 տարվա ութ հաց են հայտնաբերել, որոնք հրաշքով փրկվել են հրդեհից
47515.11.2026, 16:25
ԴՆԹ-ի վերլուծությունը բացահայտել է հին Իսպանիայում թաղված երկու մարդկանց միջև ազգակցական կապը
45708.11.2026, 18:49
Իսպանիայում հնագետները 19 հազար տարվա վաղեմության 280 ժայռապատկեր են հայտնաբերել
44808.11.2026, 17:01
Լիանա Խաչատրյանը դարձել է Միկրոէլեկտրոնիկայի 21-րդ միջազգային օլիմպիադայի հաղթողը
22106.11.2026, 00:36
