«Մեր հայրենական գիտությանը մատների արանքով եք նայում». բնակիչը՝ Նիկոլ Փաշինյանին

«Տեղյակ ենք, որ զենքեր եք առնում տարբեր երկրներից, լավ ա, բայց մեր հայրենական գիտությանը մատների արանքով եք նայում, ուշադրություն չեք դարձնում»,- Հրազդան համայնքի Քաղսի բնակավայրում դիմելով վարչապետ Նիկոլ Փաշինյանին՝ ասաց բնակիչներից մեկը: «Ո՞վ ա ասում... 2017-ից մինչև հիմա գիտության ֆինանսավորումն ավելացել է 280 տոկոսով. գիտնականների աշխատավարձը՝ 2021-ից մինչև հիմա մինչև 300-400 տոկոսով»,- ասաց Փաշինյանը: «Աշխատավարձ տվեք արդյունքի համար: ԳԱԱ-ում նստած աշխատավարձ են ստանում»,- արձագանքեց տղամարդը: «Ռազմարդյունաբերական համալիրը նախորդ երեք տարվա ընթացքում 170 մլրդ դրամի պատվեր է ստացել, առաջիկայում կտեսնեք՝ տեղական արտադրության ինչ զենքեր կան: Էդ ամենը գիտության ֆինանսավորման արդյունք է»,- նշեց վարչապետը: