«Կանազ»-ի շենքն անզգուշությամբ հրկիզած անձինք անչափահասներ են

Երեկ՝ մարտի 27-ին, իրավապահները պարզել են, որ մարտի 25-ին Երևանում հայտնի, սակայն չգործող «Կանազ» մշակույթի տանն առաջացած հրդեհը անզգուշաբար կատարել են 3 անչափահասներ։ Ինչպես հայտնում է Գագիկ Շամշյանը, կասկածյալներն են 14-ամյա Բ. Ն-ն, 15-ամյա Ե. Ն-ն և 16-ամյա Վ. Ղ-ն։ Վերջինները խոստովանել են, որ միտումնավոր չեն հրկիզել, պարզապես մտել են ներս՝ կիթառ նվագելու և երբ մրսել են, կրակ են վառել, որպեսզի տաքանան, ինչից հետո կրակը մեծ արագությամբ տարածվել է ու բռնկվել։ Ֆոտոլրագրողի տեղեկություններով՝ նրանցից երկուսը սովորում են Երևանում գործող քոլեջներից մեկում, մյուսը՝ Արաբկիր վարչական շրջանում գործող դպրոցներից մեկում։