«Դիտավորյալ են արել». հրդեհը կլանել է «Կանազ»-ի մշակույթի տան ողջ շենքը. ՈՒՂԻՂ ՄԻԱՑՈՒՄ

Ինչպես հայտնել ենք, արդեն մի քանի ժամ է՝ այրվում է «Կանազ»-ի մշակույթի տունը: Այս պահին հրդեհը գրավել է ամբողջ շենքը: Ըստ համացանցի մի շարք օգտատերերի՝ հրդեհը միտումնավոր են կազմակերպել, որ տեղն էլիտար բարձրահարկ կառուցեն: Ականատեսները պնդում են, որ հրշեջները երկրորդ հարկում նկատվող ծխի մասին ահազանգին ուշ են արձագանքել:

«Դուք էլ գիտեք, բոլորն էլ գիտեն, որ միտումնավոր են հրդեհել, ո՞վ չգիտեր, որ այսպես է լինելու, որ այստեղ կառուցեն բարձրահարկ: Սա դիտավորյալ հրկիզում էր, որ շենքը կորցնի իր պատմամշակութային արժեքը»,- վստահեցրեց տարածքի բնակչուհին, ով հրաժարվեց տեսախցիկների առջև ներկայանալ: Ականատեսներից մի տարեց տղամարդ էլ պատմեց, որ անձամբ է քանիցս դիմել թաղապետարան՝ ասելով, որ այդ արժեքավոր շենքը քաղաքապետարանի հաշվեկշռում է, տիրություն անեն. «Բոմժանոց էր դարձել, բոմժերը կրակ էին անում, երեխաները խաղում էին, մի օր էլ այսպես պիտի լիներ: Ինչքան բողոքել եմ, ոչ մի արձագանք չի եղել»:
Առավել մանրամասն՝ տեսանյութում: