Իրանը հարվածում է Իսրայելին, «Բեն Գուրիոն» օդանավակայանում ինքնաթիռներ են վնասվել

Այսօր Իրանը կրկին կասետային զինամթերքով հրթիռներ է արձակել կենտրոնական Իսրայելի ուղղությամբ։ Իսրայելական լրատվամիջոցները հաղորդում են, որ հարձակումը տեղի է ունեցել ժամը 16:00-ի սահմաններում (Երևանի ժամանակով 18:00)։

Այս ռումբերից մի քանիսը, որոնցից յուրաքանչյուրը պարունակում էր բազմակի մարտագլխիկ, ընկել են Ռամատ Գանի բնակելի շենքի վրա։ Շենքը զգալի վնաս է կրել։ Նախնական տվյալներով՝ ոչ ոք չի տուժել։ Չորսհարկանի շենքն անմիջական հարված է ստացել։

Նմանատիպ հրթիռ է ընկել Պետահ Տիկվայի բնակելի շենքի վրա։ Երկու դեպքում էլ զգալի վնաս է հասցվել։

Իսրայելի Channel 12-ի լրագրող Դաֆնա Լիելը իր Telegram ալիքում հայտնել է, որ Իրանի վերջին հարձակման հետևանքով «Բեն Գուրիոն» օդանավակայանում վնասվել է երեք մասնավոր ինքնաթիռ։ Այս մասին ավելի ուշ հայտնել են բոլոր իսրայելական լրատվամիջոցները։ Նրանց տեղադրած լուսանկարում երևում է բիզնես ինքնաթիռի խիստ այրված ներքին հարդարանքը։ Երկու ինքնաթիռ վնասվել են բեկորներից, իսկ մեկը՝ հրդեհվել։