«Կհանձնարարեմ Փենթագոնին՝ բացահայտել ՉԹՕ-ների վերաբերյալ փաստաթղթերը»․ Թրամփ

ԱՄՆ նախագահ Դոնալդ Թրամփը որոշել է հանձնարարել հրապարակել չբացահայտված թռչող օբյեկտների վերաբերյալ կառավարական փաստաթղթերը: Նա այս մասին գրել է Truth Social-ում։ Թրամփն այս որոշումը բացատրել է «հարցի նկատմամբ հսկայական հետաքրքրությամբ»։ «Ես կհանձնարարեմ Պատերազմի նախարարին և համապատասխան գերատեսչություններին՝ սկսել չբացահայտված թռչող օբյեկտների վերաբերյալ կառավարական փաստաթղթերի, ինչպես նաև այս բարդ, բայց չափազանց հետաքրքիր և կարևոր հարցերի հետ կապված ցանկացած այլ տեղեկատվության նույնականացման և հրապարակման գործընթաց»,- գրել է Սպիտակ տան ղեկավարը։