«Տիգրան Ավինյանը շատ լավ գիտակցում է, որ դատարանում պարտվելու էր». Արթուր Չախոյան

Բլոգեր Արթուր Չախոյանի ֆեյսբուքյան էջում գրում է․ «Հարգելի հայրենակիցներ,
Տիգրան Ավինյանի մտերիմների կողմից համայնքից 500 հազար ԱՄՆ դոլարի հողի գողության բացահայտման վերաբերյալ իմ հայտարարություններից հետո Տիգրան Ավինյանը պատրաստվում էր իբրև թե ինձ դատի տալ՝ զրպարտության համար։ Սակայն մինչ օրս նա իմ նկատմամբ որևէ դատական հայց չի ներկայացրել։
Պատճառը պարզ է․ Տիգրան Ավինյանը շատ լավ գիտակցում է, որ դատարանում պարտվելու էր։ Այդ իսկ պատճառով, իր մտերիմների կողմից իրականացված 500 հազար ԱՄՆ դոլարի հողի գողությունը քողարկելու նպատակով նա նման հայտարարություններ էր անում՝ փորձելով ստեղծել տպավորություն, թե ես զրպարտություն եմ տարածել։ Մինչդեռ իմ կողմից հրապարակված ամբողջ տեղեկատվությունը ճշգրիտ է եղել, ինչը հաստատվել է նաև Երևանի քաղաքապետարանի կողմից։
Ինչպես միշտ, ես ճիշտ դուրս եկա, իսկ Տիգրան Ավինյանը՝ հերթական անգամ սուտխոսանի մեկը»։