Հադրութից՝ համաշխարհային բեմեր. կոմպոզիտոր Հովիկ Սարդարյանը ստացել է «Երաժշտության Նոբելյան մրցանակ»

Կոմպոզիտոր Հովիկ Սարդարյանն արժանացել է հեղինակավոր «Ernst von Siemens» մրցանակին, որն արվեստի այս ոլորտում համարժեք է Նոբելյան մրցանակի։ Սա բացառիկ պատիվ է, որը տրվում է միայն ամենատաղանդավոր ստեղծագործողներին՝ երաժշտության մեջ ունեցած նշանակալի ավանդի համար։

Հովիկ Սարդարյանը ծնվել է Արցախի Հադրութ քաղաքում։ Կոմպոզիտորը նախ սովորել է Երևանի կոնսերվատորիայում, ապա ստանալով DAAD կրթաթոշակ՝ ուսումնառությունը շարունակել է Գերմանիայում: Իր կարիերայի ընթացքում Հովիկը հասցրել է մասնակցել աշխարհահռչակ կոմպոզիտորների վարպետության դասերին և արժանանալ մի շարք բարձր պարգևների, այդ թվում՝ 2014 թվականի Հայաստանի պետական ֆիլհարմոնիկ մրցանակին, միջազգային «Սայաթ-Նովա» կոմպոզիտորական մրցույթի առաջին մրցանակին և հեղինակավոր Carnegie Hall-ի պարգևին:
Ernst von Siemens երաժշտական մրցանակը հիմնադրվել է 1972 թվականին գերմանացի բարերար Էռնստ ֆոն Սիմենսի կողմից և համարվում է դասական երաժշտության աշխարհի ամենահեղինակավոր պարգևը: Այն շնորհվում է ամեն տարի այն կոմպոզիտորներին, դիրիժորներին կամ կատարողներին, ովքեր բացառիկ ներդրում են ունեցել համաշխարհային մշակույթի մեջ: Իր բարձր չափանիշների և միջազգային կշռի շնորհիվ այս մրցանակը հաճախ անվանում են «Երաժշտության Նոբելյան մրցանակ»: