ՀՅԴ-ն որոշում ունի՝ որ ուժի հետ դաշինք կկազմի. «Հրապարակ»

«Հրապարակ»-ը գրում է. «Հայ հեղափոխական դաշնակցությունն այսօր կամ վաղը կհայտարարի համապետական առաջիկա ընտրություններին մասնակցության ձևաչափի մասին։ Հնարավոր է հայտարարությունն ասուլիսում արվի, որը հրավիրելու է ՀՅԴ ԳՄ ներկայացուցիչ Իշխան Սաղաթելյանը: Կուսակցությունից հրաժարվեցին հայտնել իրենց դիրքորոշման մասին՝ միայնակ, թե դաշինքով են մասնակցելու, պատգամավոր Քրիստինե Վարդանյանը հորդորեց սպասել հայտարարությանը, սակայն, մեր տեղեկություններով, ՀՅԴ-ն որոշում ունի՝ այս անգամ էլ Ռոբերտ Քոչարյանի հետ դաշինքով մասնակցել, գուցե այդ մասին բաց տեքստով չհայտարարեն, բայց անուղղակի կտեղեկացնեն այդ մասին։ Չի բացառվում, որ դաշինքին միանան նաև այլ ուժեր, որոնցից ոմանք չեն մասնակցել խորհրդարանական նախորդ ընտրություններին: Փոխարենը՝ Հանրապետականը վաղը քննարկում է նախաձեռնել՝ «Հայաստանը և տրանսպորտային մեգածրագրերը» թեմայով»: