Իրանի կառավարությունը եռօրյա սուգ է հայտարարել

Իրանի կառավարությունը եռօրյա սուգ է հայտարարել անկարգությունների ընթացքում բազմաթիվ իրանցիների, այդ թվում՝ անվտանգության ուժերի ներկայացուցիչների զոհվելու կապակցությամբ: Հունվարի 8-ին Իրանում բողոքի երթեր են անցկացվել 1979 թվականին տապալված իրանական շահի ժառանգ Ռեզա Փեհլևիի կոչից հետո: Չնայած սոցցանցերում տարածված լայնածավալ ու զանգվածային ակցիաների տեսանյութերին, իրանական Fars գործակալությունը պնդել է, որ ելույթները «սահմանափակ» բնույթ են կրել:

ԱՄՆ-ում գործող HRANA մարդու իրավունքների պաշտպանության ցանցի տվյալներով՝ Իրանում բողոքի ցույցերի հետևանքով զոհերի թիվը հասել է 538-ի: