«Իշխանությունների արշավն ընդեմ Եկեղեցու ունի մեկ հանգուցալուծում՝ նրանց հեռացումը»․ Դավիթ Մանուկյան

«Ապրելու երկկիր» կուսակցության քաղաքական խորհրդի անդամ Դավիթ Մանուկյանի ֆեյսբուքյան գրառումը․

Իշխանությունների արշավն ընդեմ Եկեղեցու ունի մեկ հանգուցալուծում՝ նրանց հեռացումը, այլ լուծում այլևս չկա։
Սակայն մինչև հեռացումը դեռևս կա որոշ ժամանակ, որն իրականում պետք է հենց Եկեղեցուն՝ ինքնամաքրման համար։ Անկախ իշխանությունների կամքից՝ Եկեղեցին իրապես մաքրվում է՝ իր ներսից դուրս մղելով բոլոր դավաճաններին։ Աստծո կամքն անքննելի է, և երևի թե այսպես էլ պետք է լիներ։
Իշխանությունները հատել են բոլոր կարմիր գծերը, չկա՛ արժեհամակարգային սահմանափակումներ, չկա՛ պատասխանատվություն՝ ո՛չ սեփական ժողովրդի, ո՛չ սեփական պետության և ո՛չ էլ սեփական խոսքերի ու քայլերի համար։
Գնալով ավելի է մեծանում ճնշումները, բոլոր նրանց հանդեպ, ովքեր չեն լռում տեղի ունեցող անարադարությունների և անօրինականությունների դեմ։ Նպատակը մեկն է՝ ապահովել իրենց վերընտրվելը։
Մենք գործ ունենք իշխանության փառքից կուրացած, իրականությունից կտրված և բացարձակ անպատասխանատու մարդկանց խմբի հետ։
Հիմա պարզապես անհրաժեշտ է դիմանալ ու դիմադրել և մի քանի ամսից կատարել ճիշտ ընտրություն՝ մերժելով բաժանումն ու պառակտումը, թշնամանքն ու ատելությունը, սուտն ու կեղծիքը։
Անհրաժեշտ է փակել այս թշնամանքի, ցավի, բաժանումի և ամոթի էջն ու թևակոխել զարգացման, հզորացման ու բարգավաճման շրջան՝ սիրով, հավատքով ու միասնությամբ։
Հայաստանը հզորանալու և բարգավաճելու է՝ փառքով, պատվով և մեծ ու լուսավոր ապագայով՝ ի հեճուկս բոլոր թշնամիների»։