«Մարդ չբերելը՝ զգուշացում հետևանքներով, չգալը՝ դավաճանություն»․ Տաթևիկ Վիրաբյան

44-օրյա պատերազմում զոհված Գևորգ Վիրաբյանի քույրը՝ Տաթևիկ Վիրաբյանը, ֆեյսբուքյան իր էջում գրում է․ «Կամաց-կամաց ջրի երես է դուրս գալիս իրականությունը, թե ուժերի ինչ գերլարմամբ են ՔՊ-ակաները հավաքել իրենց «Ուխտերթ»-ի՝ 2000-ից մի փոքր ավելի մասնակիցներին։ Դե նրանց, ում ֆոտոշոփով հետո «շատացրել էին»։
Գործը, ինչպես և սպասվում էր, համակարգել է հենց շեֆը։ Բուն կազմակերպչական վազվզոցով, ինչպես միշտ, զբաղվել է Ալեքսանյան Վահագը։ Բառացիորեն, ուղղակի «ասվել է», բոլորին՝ ում կարող են՝ գալ, դեռ մի բան էլ՝ հետները մարդ բերել։ Մարդ չբերելը՝ զգուշացում հետևանքներով, չգալը՝ դավաճանություն։
«Ուխտերթ»-ին մասնակցում էին գրեթե բոլոր գերատեսչություններից, ՏԻՄ-երից, մարզպետներ և այլք։
Հատկապես հստակ հրահանգ է իջեցվել ՔՊ պատգամավորության թեկնածուներին, որոնց նախորդ ամիս կուսակցության վարչությունը գրանցել է։ Նրանց ասվել է, որ մասսովկայի համար պետք է յուրաքանչյուրն իր հետ մարդ բերի։ «Հաշվետվության» համար Վահագս «WhatsApp»-ում չաթ է բացել, որտեղ ներկայացվել է ամեն մեկի բերած «քանակը»։ Թեկնածուներն էլ կաշվից դուրս են եկել, և յուրաքանչյուրն իր հետ մի քանի հոգու, ոմանք՝ մի քանի տասնյակ մարդ են տարել երթին՝ փորձելով իրենց ազդեցությունն ու շեֆին հավատարմությունը ցույց տալ՝ հույսով, որ ցուցակի ձևավորումից հետո այդ հանգամանքը հաշվի կառնվի։
Ժող ջան, էս են սրանք՝ ՈՂՋ ռեսուրսով, 2000-ից մի քիչ ավելի։ Ու... դեռ իշխանության են...»։