Հրեշտակների պատկերները մանրամանկարչության մեջ. նոր ցուցադրություն Մատենադարանում

Մատենադարանում բացվել է ժամանակավոր նոր ցուցադրություն՝ «Լուսաբեր պատկերներ. հրեշտակների մանրանկարչական հայտնությունը» խորագրով: Ցուցադրությանը ներկայացված են հայկական ձեռգրական և տպագրական արվեստի բացառիկ ցուցանմուշներ, ձեռագրերի կազմեր, մանրանկարներ, որտեղ տարբեր տերունական և Աստվածաշնչյան տեսարաններում հանդիպում են հրեշտակների պատկերներ:
Սուրբ Գրքի համաձայն՝ հենց հրեշտակների միջոցով էր Աստված հաղորդակցվում մարդկանց հետ: Հրեշտակները երկրի վրա Աստծո կամքն իրականացնողներն էին և պատգամաբերները:
Քրիստոնեական պատկերագրության մեջ հրեշտակները հանդես են գալիս՝ որպես Աստծո գահը շրջապատող երկնային զորքեր, Տիրոջ մոտ կանգնած երկնային էակներ և երկնքից իջնող պահապաններ, հայտնվում են սրբերին ու մարգարեներին, ինչպես նաև մասնակցում են Քրիստոսի կյանքի կարևորագույն դրվագներին։
Հրեշտակները ոչ միայն բարի լուր ավետողներ էին, այլ նաև հոգևոր առաջնորդներ, պաշտպաններ և Աստծո դատաստանն իրագործողներ էին: