Թեքսասում Մեքսիկայի ռազմածովային ուժերի ինքնաթիռի վթարի հետևանքով հինգ մարդ է զոհվել

ԱՄՆ Թեքսաս նահանգում Մեքսիկայի ռազմածովային ուժերի ինքնաթիռի կործանման հետևանքով հինգ մարդ զոհվել է, երկուսը ողջ են մնացել, ևս մեկի ճակատագիրն անհայտ է, տեղեկացրել է Մեքսիկայի ռազմածովային ուժերի նախարարությունը:

Օդանավը իրականացնում էր մարդասիրական առաքելություն։ Ինքնաթիռում եղել է ութ մարդ՝ ռազմածովային ուժերի չորս զինծառայող և չորս քաղաքացիական անձ։

Ինքնաթիռի կործանման պատճառները քննության փուլում են։