Մադելին Շարաֆյանի «Elio»-ն առաջադրվել է «Ոսկե գլոբուս» մրցանակի

Pixar-ի «Elio» անիմացիոն ֆիլմը, որի համառեժիսորներից է հայազգի կինոռոժիսոր Մադելին Շարաֆյանը, ներառվել է 2026-ի Golden Globe մրցանակաբաշխության «Լավագույն անիմացիոն ֆիլմ» անվանակարգում։ Սա պատմական պահ է հայկական կինոյի համար․ Շարաֆյանը դարձել է առաջին հայ կինն ու Pixar-ի պատմության մեջ ընդամենը երրորդ կին ռեժիսորը, ով գլխավորել է լիամետրաժ նախագիծ։

Մրցանակաբաշխությունը կանցկացվի ուղիղ եթերով հունվարի 11-ին։ Ֆիլմի ստեղծմանը մասնակցել են «Օսկարի» դափնեկիր Դոմի Շին և Pixar-ի ստեղծագործական պրոդյուսեր Ադրիան Մոլինան։

«Elio»-ն մրցում է Arco, Demon Slayer: Infinity Castle, KPop Demon Hunters, Little Amélie և Zootopia 2 ֆիլմերի հետ։

«Էլիո»-ն 11 ամյա տղայի մասին է, ով պատահաբար դառնում է Երկրի «ներկայացուցիչը» հեռավոր գալակտիկայում։ Ֆիլմը առանձնանում է խորքային թեմաներով՝ պատկանելիություն, ինքնություն և հասունացում, որոնք համադրված են Pixar-ի ֆանտաստիկ աշխարհի հետ։

Ավելի վաղ Շարաֆյանը պարգևատրվել է Armenian Film Society Gala-ի մրցանակով, որը նրան է հանձնել Pixar-ի պրոդյուսեր և հայկական սփյուռքի ներկայացուցիչ Քեթրին Սարաֆյանը։