«Անտառները գիշեր-ցերեկ կտրում են, կտրածը թաքցնելու համար տարածքները այրում, որ հետքերը կորցնեն». Գոռ Մադոյան

Վերլուծաբան Գոռ Մադոյանի ֆեյսբուքյան գրառումը․ «Իրենց օջախն է, ինչ կուզեն կանեն: Բանաձեւն էլ կա՝ եթե աղքատ եք, ապա ձեր գլխից է դա, ուրեմն քիչ եք ծառ կտրել, կամ Սեւանի ձուկ քիչ եք գողացել, քիչ եք տենդեր շահել: Հենա նայեք, Նարեկին Նալբանդյանին կամ Արամ Սարգսյանի եղբոր փեսուն, տեսեք ինչ ուշիմ ու իմաստուն բիզնեսմեններ են, մեկը անդադար բիզնեսներ է գնում, մյուսը՝ պետական տենդեր շահում: Ձեր ուղեղից ա, ձեր:
Մենք ձեզ չենք խանգարում ինքնակերակրվել-ապրել, դուք չեք խառնվում մեր քաղաքականությանը, մեր գործերին: Սա է օջախի հանրային պայմանագրի առանցքային դրույթը: Սա է այսօրվա Հայաստանի հասարակական բարձիթողի ու անտերանոց վիճակի կրեդոն, սկսած երթեւեկությունից, ինքնադատաստաններից մինչեւ աղբավայրերի այրել ու անտառների հրդեհ:
Սովետի ժամանակ պահեստը թալանելուց հետո այրում էին, որ հետքերը կորցնեն ու տույժ/պակասուրդը մնա պետության վրա:
Նուբարաշենի աղբավայրը այրում են, մետաղներ կորզում, բիզնես անում՝ քաղաքի էկոլոգիայի ու քաղաքացիների թունավորման վրա թքած:
Անտառները գիշեր-ցերեկ կտրում են, դրուժբի ձենը դարձել է անտառի էկոլոգիայի անբաժանելի մաս, հետո կտրածը թաքցնելու համար տարածքները այրում են, հետքերը կորցնեն:
Սրանք բոլորը բազմաշերտ, բարդ խնդիրներ են, սկսած tragedy of commons-ից մինչեւ պետական ու համայնքային կառավարում, վերահսկողություն, կրթություն, ֆինանսներ, բիզնես մաֆիա, լիքը օղակներով խնդիրներ:
Բայց Գարեգինի բարեմասնություններից կախվածների ու պատարագ-փարթի անող իշխանության համար դրանք կարեւոր չեն, առանցքային, ամենշաբաթյա աշխատանք չեն, կարեւոր իրենց իշխանությունը պահելն ու մարդկանց ուղեղը լվալն ա, մնացածը՝ ով ոնց կապրի, իր խնդիրն է»: