«Կհնչեցնենք այն կառուցապատողների անունները, որոնք շարունակում են խուսափել փոշեկլանիչ ցանցերի տեղադրումից». Տիգրան Ավինյան

Քաղաքապետ Տիգրան Ավինյանը խնդրեց ընթացիկ շաբաթվա ընթացքում տրամադրել այն կառուցապատողների ցանկը, որոնց նկատմամբ կազմվել են ամենաշատ արձանագրությունները՝ փոշեկլանիչ ցանցերի բացակայության հետ կապված. «Պարբերաբար կհնչեցնենք այն կառուցապատողների անունները, որոնք չարամտորեն շարունակում են խուսափել ցանցերի տեղադրումից: Նրանց անունները պետք է բարձրաձայնվեն, որպեսզի մարդիկ իմանան՝ ումից են տուն գնում, ինչ պատասխանատվության ընկերություններ են դրանք, ինչ պատասխանատվություն ունեն քաղաքի նկատմամբ»,- հայտարարեց Երևանի քաղաքապետը: