Սերբիայի խորհրդարանի դիմաց կրակոցներ են հնչել

Ոստիկանությունը ձերբակալել է տղամարդու, որը կրակ է բացել Սերբիայի խորհրդարանի շենքի առջև, հաղորդում է Kurir-ը։ Ըստ թերթի՝ 70-ամյա տղամարդը նախ կրակել է 57-ամյա տղամարդու վրա, ապա հրկիզել խորհրդարանի շենքի առջև տեղադրված Սերբիայի նախագահ Ալեքսանդր Վուչիչի կողմնակիցների վրաններից մեկը և կրակի մեջ մի քանի փամփուշտ նետել։
Տարածքը շրջափակվել է. իրականացվում են հրդեհաշիջման և քննչական աշխատանքներ։