Մեկ նկարի ցուցահանդես. «Լուսնկա գիշեր Դնեպրում»

1880 թվականին նկարիչ Արխիպ Կուինջիի «Լուսնկա գիշեր Դնեպրում» նկարը առաջին անգամ Սանկտ Պետերբուրգում ներկայացվել է հանրությանը՝ հանդիսանալով ցուցահանդեսի միակ ցուցանմուշը: Սա ռուսական արվեստի պատմության մեջ առաջին դեպքն էր, երբ ցուցահանդեսը նվիրված էր միայն մեկ նկարի:
Անսովոր նկարի մասին ասեկոսեները տարածվել էին մինչև ցուցահանդեսի բացումը: Բացման օրը թվում էր, թե ողջ Պետերբուրգն է եկել նկարը տեսնելու, որի պատճառով մեծ հերթեր էին գոյացել, իսկ շատերն անգամ այցելել էին մի քանի անգամ: Այցելուներին հմայել էր հատկապես կտավի անսովոր լուսավորությունը, որն անչափ իրական էր թվում: Շատերին թվացել է, թե նկարիչն օգտագործել է լուսարձակող ներկեր, որոշներն անգամ շրջել են կտավը՝ կասկածելով, թե նկարի հետևում լուսինը լիսավորող լամպ կա թաքցրած:
Պետք է նշել, որ մինչև հանրության առջև ցուցադրվելը, կտավն արդեն վաճառվել էր: Այն գնել է մեծ իշխան Կոնստանտին Կոնստանտինովիչը, որն այնքան է կապված եղել նկարի հետ, որ ցուցահանդեսի վերջում այն տարել է իր հետ երկարատև ծովային ճանապարհորդության: