«Դիմել եմ Տիգրան Ավինյանին՝ հասկանալու այս որոշման պատճառները»․ Քրիստինա Վարդանյան

Երևանի ավագանու անդամ Քրիստինա Վարդանյանի ֆեյսբուքյան գրառումը․ «Տեղեկացա, որ փակվել է Էդուարդ Իսաբեկյանի անվան ցուցասրահը, որտեղ պահվում էին մեծ նկարչի 28 արժեքավոր կտավներ։
Այս աշխատանքները՝ նվիրատվությունն էին Հայաստանի մայրաքաղաքին և ցուցադրված էին քաղաքի Կենտրոնում…
Ցուցասրահը տարիներ շարունակ եղել է մշակութային կարևոր կենտրոն, ուր այցելուները հնարավորություն էին ստանում ծանոթանալու մեր ազգային գեղանկարչության բացառիկ ժառանգությանը։
Միայն երկու տարի առաջ՝ 2023թ., Էդուարդ Իսաբեկյանի ցուցասրահը ճանաչվել է և ներառվել աշխարհի լավագույն 20 պատկերասրահների և թանգարանների ցանկում։ Սա մեծագույն հաջողություն էր ոչ միայն ընտանիքի, այլև ամբողջ Հայաստանի համար։
Արդեն դիմել եմ Երևանի քաղաքապետ Տիգրան Ավինյանին՝ հասկանալու համար այս որոշման պատճառները և կտվաների հետագա ճակատագիրը»: