«Լուրջ խնդիրներ կլինեն, եթե ՀԷՑ-ի գլխամասը չաշխատի»․ Դավիթ Ղազինյան

«Քննչական կոմիտեն գործողություններ է իրականացնում, խոստացել են շատ արագ վերջացնել, որպեսզի մեր աշխատանքը չպարալիզացվի»,- ՀԷՑ-ի գլխամասի մոտ լրագրողների հետ ասաց ՀԷՑ-ի տնօրենի ժամանակավոր պաշտոնակատար Դավիթ Ղազինյանը։

Նա նշեց, որ Քննչական կոմիտեից իրենց տեղյակ չեն պահել, թե ինչ քրեական գործեր կան հարուցված, միայն ներկայացրել են դատարանի որոշումները՝ քննչական գործողություններ կատարելու համար։

«Լուրջ խնդիրներ կլինեն, եթե ՀԷՑ-ի գլխամասը չաշխատի։ Պատկերացրեք, որ մի մեծ կազմակերպության գլխամաս չաշխատի, բայց հուսով եմ, որ շատ արագ կավարտեն և մենք կանցնենք մեր բնականոն աշխատանքին»,- ընդգծեց Ղազինյանը։

Հիշեցնենք, որ առավոտից իրավապահները խուզարկություն են իրականացնում ՀԷՑ-ի գլխավոր գրասենյակում։