«Գուցե ավելի ճիշտ կլինի, որ այս մարդը ավազի հանքերից խոսի». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Մեծամասնությունը ներկայացնող ուժի պատգամավորը հանրային եթերում հայտարարում է, որ ռազմավարական ենթակառուցվածքի սեփականատերը կարող է որոշել օտարել այդ ենթակառուցվածքը, և ոչ մի իրավունք չունենք նրան թույլ չտալու:
Ընդամենը մի քանի օր առաջ տեղեկություն էր, որ Հանրային ծառայությունները կարգավորող հանձնաժողովը թույլատրել է հաղորդակցային ոլորտում մի ընկերությունը գնի մյուսի բաժնեմասը:
Ու այս մարդը հանրային եթերում հայտարարում է, թե ռազմավարական ենթակառուցվածքը կարող է սեփականատերն օտարել, ու մենք չենք կարող թույլ չտալ:
Իսկ գուցե ավելի ճիշտ կլինի, որ այդ մարդը ավազի հանքերից խոսի, գուցե դրանից ավելի իրազեկ ու պատրաստված է, հաշվի առնելով, որ ընտանիքը շահագործում է ավազի հանքեր, այն էլ, ըստ «ՀԵՏՔ»-ի, շահագործել է ապօրինի»: