«Դուք ավագանու հետ շատ վատ եք աշխատում». Արամ Թորոսյան

«Քաղաքացիների հատուկ սպասարկման ՀՈԱԿ-ը նախնադարյան տրամաբանությամբ է աշխատում՝ թղթեր, ԺԵԿ-ի թղթեր և այլն, դա պետք է թվայնացնել ու ունենալ պատկերը՝ թե՛ գերեզմանատների, թե՛ մարդկանց իրավունքների մասով»,- ավագանու նիստի ժամանակ դիմելով քաղաքապետ Տիգրան Ավինյանին՝ ասաց ավագանու ընդդիմադիր անդամ Արամ Թորոսյանը: Ավինյանը պատասխանեց, որ երկուշաբթի հայտարարելու են նոր նախագծի մեկնարկի մասին. «Նոր հարթակում արդեն իսկ գրեթե բոլոր ծառայությունները թվայնացված ունենալու ենք վեբ ֆորմատով, մինչև տարվա վերջ պլանավորում ենք քաղաքի կողմից մատուցվող բոլոր հնարավոր ծառայությունները հասանելի դարձնել էլեկտրոնային հարթակով»,- նշեց Ավինյանը: Ավագանու անդամն արձագանքեց. «Այսինքն, որ հարց չտայինք, չէինք իմանալո՞ւ... այսինքն՝ սաղ ծրագիրը մտածված, որոշված, նույնը մեր ավտոբուսների վճարների հետ կապված ուշ իմացանք, առաջարկ արեցինք, չընդունվեց, խնդիրներ եղան, հիմա նույնը... Մաղթում եմ հաջողություն, բայց դուք ավագանու հետ շատ վատ եք աշխատում, գրեթե չեք աշխատում»: Ավինյանը չհամաձայնեց: