«ԱԱԾ տնօրենի պաշտոնակատարը չի բարեհաճում ժամանել․ կշարունակի՞ Աբազյանի գործը նրա նման»․ անհետ կորածի հայր

«Մենք երեկվանից ճանապարհ ենք փակում, պահանջում ենք, որ Աբազյանին վերադարձնեն, բայց քանի որ դա անհնարին է, պահանջում ենք, որ ԱԱԾ տնօրենի պաշտոնակատարը գա, պայմանավորվի մեզ հետ․ տեսնենք՝ ինչ խոստումներ կտա, կշարունակի՞ Աբազյանի գործը նրա նման»,- այս մասին լրագրողների հետ զրույցում նշեց անհետ կորած զինծառայողի հայրը։

«Երեկվանից չի բարեհաճում ժամանել։ Եթե ինքը ժողովրդի ծոցից դուրս եկած լիներ, հիմա այստեղ կլիներ։ Մեկ օրից ավելի է այստեղ կանգնած ենք, չեն ընդառաջում, չգիտենք՝ ում դիմենք»,- նշեց անհետ կորածի հայրը և ընդգծեց՝ ղեկավարը պիտի ձիգ լինի, ճկուն լինի, խորամանկա լինի․ Նիկոլ Փաշինյանից պահանջն այն է, որ Էրդողանի հետ հանդիպմանը ներկայացնի հայ գերիների վերադարձի և անհետ կորածների հարցը։