Արցախի ճանապարհը փակած ակտիվիստները Բաքվում հակաիրանական ցույցեր են կազմակերպել

Իրանագետ Արտյոմ Տոնոյանի Caspian Frontiers տելեգրամյան ալիքի գրառումը՝ կից տեսանյութով․ «Բաքվում ակտիվիստ ներկայացողների մի խումբ, որը բոլոր թելերով փոխկապակցված է իշխանական ֆոնդերի հետ, դուրս է եկել ցույցի՝ հաջակցություն Իսրայելի։

Տեսահոլովակում լսվում է, թե ինչպես է ցուցարարներից մեկը Իրանի հասցեին հնչեցնում «ահաբեկչական պետություն» և «մոլլաների ռեժիմ» արտահայտությունը։

Սրանք պատկանում են այն նույն խմբին, որը Բաքվի իշխանությունների ցուցումով 2022թ. դեկտեմբերին փակեց Արցախը Հայաստանի հետ կապող ճամփան՝ ներկայացնելով այդ գործողությունը՝ որպես էկոակտիվիստների նախաձեռնություն։

Փաստորեն, Ադրբեջանում Իսրայելի սիոնիստական ռեժիմին սպասարկող քաղաքական վերնախավը չունի այնքան հնարավորություններ և հեռատեսություն, որ գոնե տարբեր խնդիրների դեպքում ցուցարարների տարբեր խմբերի օգտագործի, այլ ոչ թե ամենուր մեկ և միևնույն խմբի»։