«Գործող վարչախումբն արտոնում է բռնությունն ազատ խոսքի նկատմամբ». Մենուա Սողոմոնյան

«ՀայաՔվե»-ի անդամ Մենուա Սողոմոնյանի ֆեյսբուքյան գրառումը. «Զորակցությունս եմ հայտնում լրագրող Մերի Մանուկյանին, ով այսօր, իր մասնագիտական գործունեությունն իրականացնելիս, բռնության է ենթարկվել կարմիր բերետավոր ոստիկանի կողմից։ Լրագրողի մասնագիտական գործունեությանը խոչընդոտելու և նրա հանդեպ կոշտ ֆիզիկական բռնության ենթարկելը հանցագործություն է՝ քրեական օրենսգրքով սահմանված, և այդ արարքի համար ոստիկանին միայն աշխատանքից ազատելը հավասարազոր է հանցագործությունը կոծկելուն։ Հերթական անգամ կարող ենք արձանագրել, որ գործող վարչախումբը արտոնում է բռնությունը ազատ խոսքի նկատմամբ»: