«Լրագրողի նկատմամբ գործողությունները տեղավորվում են իշխանության ապօրինի վարքագծի շրջանակներում»․ Տիգրան Աբրահամյան

ԱԺ «Պատիվ ունեմ» խմբակցության քարտուղար Տիգրան Աբրահամյանի ֆեյսբուքյան գրառումը․ «Լրագրող Վահե Մակարյանի նկատմամբ ԱԺ-ում իրականացված գործողությունները՝ հանձնաժողովի նիստի մասնակցության չթույլատրումից մինչև նրան դուրս «հրավիրելու» մեթոդներ, անթույլատրելի են և ամբողջությամբ տեղավորվում են գործող իշխանության սանձարձակ ու ապօրինի վարքագծի շրջանակներում:
Առաջին անգամ չէ, որ Վահեի նկատմամբ տարբեր բնույթի խտրական և ոչ իրավաչափ գործողություններ են իրականացվում, ինչով նաև խախտվում է վերջինիս մասնագիտական գործունեության իրավունքը»: