«Ինչի՞ են փակել Ամբերդի եկեղեցու ճանապարհը». Նարինե Կիրակոսյան

Լրագրող Նարինե Կիրակոսյանի ֆեյսբուքյան գրառումը․ «Ինչի՞ են փակել Ամբերդի եկեղեցու ճանապարհը
Վերջին օրերին, եկեղեցի-պետություն փոխհրաձգությանը զուգահեռ, հետաքրքիր դեպք է տեղի ունեցել։ Ամբերդ ամրոցի շինարարության պատճառաբանությամբ, արգելափակվել է նաև Սուրբ Աստվածածին եկեղեցու մուտքը:
Իսկ մի՞թե շինարարական աշխատանքերը չէր կարելի է այնպես կազմակերպել, որ որևէ մի հավատացյալի, որևէ հայի համար արհեստական խոչընդոտ չառաջանա եկեղեցի գնալու համար, էլ չեմ ասում, եթե քաղաքական իշխանությունները պնդում են, որ որևէ մեկը չի կարող եկեղեցու դռները փակել, ապա ո՞նց են Ամբերդ ամրոցում վերանորոգման աշխատանքների պատրվակով, պատկան պաշտոնյաները փակել սովորական հավատացյալների համար դեպի եկեղեցի գնացող ճանապարհը։
Դեռ չասած այն փաստի մասին, որ տասնյակ կիլոմետրեր սար ես բարձրանում, որպեսզի հասնես եկեղեցի և… հանդիպում ես մի աբսուրդ իրավիճակի։
Ըստ այդմ արդար պահանջ է, որ հրատապ լուծում ստանա այս հարցը, և եկեղեցու մուտքը չարգելափակվի:
Տեղադրում եմ Ամբերդի տարածքում բերդի ամրակայման աշխատանքներից նկարներ։
Այս նկարներում կտեսնեք, որ եկեղեցի տանող ճանապարհը այլ կողմում է գտնվում և չի խանգարում բերդի վրա կատարվող աշխատանքներին»։