«Շատերը գլուխ չեն հանում՝ վերջը ով ինչի տակ է ստորագրել»․ Վազգեն Սաղաթելյան

«Իմնեմնիմի» փոդքաստի համահեղինակ Վազգեն Սաղաթելյանի ֆեյսբուքյան գրառումը․ «Երեկ ողջ օրը անկեղծորեն փորձում էի հասկանալ թե ինչ է կատարվում իմպիչմենտի գործընթացի հետ: Կարծում եմ շատերն էլ իմ պես գլուխ չէին հանում (գուցե մինչև հիմա) թե վերջը ով ինչի տակ է ստորագրել և ինչումն ա խնդիրը: Մինչև «Իմնեմնիմի»-ի եթերը զանգահարել եմ «Հայաստան» խմբակցության իմ ընկեր Քրիստինե Վարդանյանին, խոսել հետը, ստացել տեղեկություն, որ. «Հա, Վազգեն ջան, մենք ստորագրել ենք Դավիթ Համբարձումյանի անվան տակ», զանգում եմ իմ գործընկեր Edgar Ghazaryanին, ասում եմ այ ընկեր ջան, հեն ա ստորագրել են մարդիկ, էլ ի՞նչ ես ուզում, ինքն էլ բա. «Եղբայր, մենք չգիտենք ինչի տակ, են ստորագրել, բայց վստահաբար մեր նախաձեռնության տակ չի դա»: Նորից եմ զանգում Քրիստինեին ու տենց մի հատ խառնաշփոթ իրավիճակ, որում ինձ ամենից շատը նյարդայնացնում էր էն, որ ես չէի հասկանում վերջը խնդիրն ինչում ա: Մոտ մեկ ժամ հետո սկսեցինք եթերը, հյուրերից մեկը Հայկ Մամիջանյանն էր: Հայկը իր հետ բերեց ամբողջական փաթեթը թղթերի, որոնց մաս է կազմում նաև այն մեկ էջը՝ բաղկացած ստորագրություններից: Դրանցում է նաև համապատասխան դիմումը անվստահության հայտի՝ թեկնածուի անունով և այլն: Հիմա.
ՀՀԿ-ի նախաձեռնած՝ Դավիթ Համբարձումյան թեկնածուով նախաձեռնության տակ կա 6 ստորագրություն: Եթե «Հայաստան» խմբագրությունից կա դրան միացող պատգամավոր, ապա պետք է դնի իր ստորագրությունը սկսած համար 7-ից նույն թղթի տակ:
Դիմում եմ «Հայաստան» խմբակցության իմ ընկերներին:
Ընկերներ, էս անորոշությունն, անկեղծ, ամենաանդուր բանն ա, եկեք կողմնորոշվենք էլի: Եթե պատրաստ եք այդ նույն թղթի տակ ստորագրել ու միանալ գործընթացին, գրեք խնդրում եմ, ես կկազմակերպեմ: Եթե չեք ուզում, չեք հավատում, ուրիշ պլաններ ունեք՝ ուղիղ ասեք, որ պարզ լինի գոնե ներընդդիմադիր դաշտում: Սա խիստ նյարդայնացնող վիճակ ա, վստահ եմ՝ դուք էլ եք դա տեսնում: Եկեք հստակեցնենք էս հարցը ու տեսնենք ինչ ենք անում, խնդրում եմ»: