«Առանց փողոցային պայքարի հնարավոր չի լինի ապահովել 54 ձայն՝ իմպիչմենթի համար»․ Արթուր Խաչատրյան

«Մենք ինմպիչմենթի մասին մեր կարծիքը դեռևս հայտնել էինք ավելի վաղ։ Դրանից չենք շեղվում։ Ինձ մոտ այն տպավորությունն է, որ նախաձեռնողները կամ նախաձեռնողներին հետո աջակցողները այլ նպատակ ունեն»,- լրագրողների հետ զրույցում ասաց ԱԺ «Հայաստան» խմբակցության պատգամավոր Արթուր Խաչատրյանը՝ շեշտելով, որ եթե իմպիչմենթի նախաձեռնողները շահագրգռված լինեին, որ այդ հարցը իրոք մտներ օրակարգ, իրենք առնվազն արդեն աշխատանքներ տարած կլինեին նրանց հետ, առանց ում քվեների հնարավոր չի այդ հարցը կարգավորել։ «Թվում է, թե 8 հոգին արդեն ստորագրել են, 28 հոգին են պակաս, հենց ստորագրեն, իրենք վազելով կմտցնեն ԱԺ և 72 ժամ հետո կունենանք նոր վարչապետ։ Առանց փողոցային պայքարի հնարավոր չի լինի ապահովել 54 ձայն, որպեսզի Նիկոլ Փաշինյանին անվստայություն հայտնվի»,- ընդգծեց պատգամավորը։