«Իշխանությունը չի ներում Մայր Աթոռին և Կաթողիկոսին 2020-2021-ին հստակ դիրքորոշում ունենալու համար». Տիգրան Աբրահամյան

«Այսօր առաջին բանը, ինչ տեսա իշխող ուժի ղեկավարի զեղումներում, այն է, որ ամեն դեպքում իշխանությունը չի ներում Մայր Աթոռին և կաթողիկոսին 2020-2021-ին հստակ դիրքորոշում ունենալու համար՝ երկրում ստեղծված իրավիճակի վերաբերյալ»,- լրագրողների հետ զրույցում ասաց ԱԺ «պատիվ ունեմ» խմբակցության քարտուղար Տիգրան Աբրահամյանը: Նա ընդգծեց, որ այդ ժամանակ իշխանությունը դեռ այն վիճակում չէր, որպեսզի իր հարձակումները այսպիսի տեմպով իրականացներ: «Հիմա իշխանության մոտ բացի քաղաքական և մնացած հանգամանքներից, նաև այս վրեժի հանգամանքը կա: Մայր Աթոռը հայի տեսակի, լեզվի պահպանումից բացի, նաև հանրային դիմադրության կարևոր կառույցներից մեկն է»,- նշեց Աբրահամյանը՝ հավելելով, որ իշխանությունը չի կարող իր պլանները իրականացնել՝ ճանապարհին ունենալով այդպիսի մեծ դիմադրություն ունեցող կառույց: