Հունիսի 6-13-ը Երևանում տեղի կունենա բալետի բացօթյա միջազգային 3-րդ փառատոնը

Հունիսի 6-ից 13-ը Երևանը կդառնա բալետային արվեստի յուրահատուկ կենտրոն․ Թումանյանի անվան զբոսայգում տեղի կունենա բալետի բացօթյա միջազգային 3-րդ փառատոնը։ Բացառիկ միջոցառմանն այս տարի ելույթ կունենան Մոսկվայի Մեծ թատրոնը՝ լեգենդար «Ժիզել» և «Գալա բալետ» ներկայացումներով, Սանկտ Պետերբուրգի Մարիինյան թատրոնը՝ «Շոպենիանա», «Շահերեզադա» և «Գալա բալետ» ներկայացումների ցուցադրությամբ: Ալեքսանդր Սպենդիարյանի անվան օպերայի և բալետի ազգային ակադեմիական թատրոնը կներկայանա «Բոլերո» և «Սրբազան գարուն» բալետային ստեղծագործություններով: