«Ուկրաինայում հակամարտության կարգավորման մեխանիզմ գտնելու հնարավորություն կա»․ ՌԴ ԱԳՆ ներկայացուցիչ

Կա հնարավորություն, որ Մոսկվայի և Կիևի կողմից ձևավորված բանակցային խմբերը կկարողանան Ուկրաինայում հակամարտության կարգավորման մեխանիզմ գտնել, հայտարարել է Ռուսաստանի ԱԳՆ հատուկ հանձնարարություններով դեսպան Ռոդիոն Միրոշնիկը։
«Նախ, պետք է անցնել առաջին ուղին, այն է՝ համաձայնության գալ խաղաղության հասնելու վերաբերյալ, այսինքն՝ գտնել կարգավորման մեխանիզմը։ Երկու կողմերից էլ ձևավորված խմբերը կարող են դա անել։ Նրանք կարող են մշակել մոդել, որն ընդունելի կլինի և՛ Ռուսաստանի, և՛ Ուկրաինայի, և՛ միջազգային հանրության կողմից։ Նման հնարավորություններ կան», - Բիշքեկում կայացած ճեպազրույցի ժամանակ ասել է դեսպանը՝ պատասխանելով բանակցությունների հեռանկարների վերաբերյալ հարցին։