«ԱՄՆ պատվիրակության մի մասը Ստամբուլում է, Զելենսկին՝ Անկարայում, Ռուբիոն և Եվրոպայի ԱԳ նախարարները՝ Անթալիայում»․ Ֆիդան

ԱՄՆ որոշ ներկայացուցիչներ գտնվում են Ստամբուլում, որտեղ նախատեսված են Ռուսաստանի և Ուկրաինայի միջև բանակցությունները։ Այս մասին հայտարարել է Թուրքիայի արտաքին գործերի նախարար Հաքան Ֆիդանը։

«Ինչպես գիտեք, մեր նախագահը ներկայումս Անկարայում ընդունում է պարոն Զելենսկուն։ Ռուսական պատվիրակությունը ժամանել է Ստամբուլ։ Ամերիկյան պատվիրակության մի մասը Ստամբուլում է։ ԱՄՆ պետքարտուղար Մարկո Ռուբիոն մեզ հետ է Անթալիայում։ Եվ բոլոր եվրոպական երկրների արտաքին գործերի նախարարներն այստեղ են։ Այժմ շատ քննարկումներ են ընթանում ուկրաինական կարգավորման թեմայի շուրջ», - ասել է Ֆիդանը՝ ՆԱՏՕ-ի արտաքին գործերի նախարարների՝ Անթալիայում կայացած ոչ պաշտոնական հանդիպումից հետո։