«Իսրայելը համաձայնել է վերսկսել մարդասիրական օգնության մատակարարումները Գազա»․ #Axios

Իսրայելը համաձայնել է վերսկսել Գազայի հատվածում մարդասիրական օգնության մատակարարումները՝ մարտ ամսից ի վեր առաջին անգամ, հաղորդում է Axios-ը՝ հղում անելով ԱՄՆ-ում գործող Գազայի մարդասիրական հիմնադրամի (ԳՄՀ) կողմից Իսրայելի կառավարությանն ուղղված նամակին։
Մարտի սկզբին Իսրայելն արգելափակել էր մարդասիրական օգնության մատակարարումն անկլավի տարածք։

«Իսրայելի կառավարությունը համաձայնել է վերսկսել մարդասիրական օգնության մատակարարումները Գազայի հատվածում գտնվող պաղեստինցիներին», - գրում է լրատվամիջոցը։

Նշվում է, որ ԳՄՀ-ն Գազայում իր գործունեությունը կսկսի մայիսի վերջին։
Axios-ի տվյալներով՝ ԳՄՀ-ն Իսրայելի իշխանություններին խնդրել է նպաստել Գազա բավարար քանակությամբ մարդասիրական օգնության մատակարարմանը՝ օգտագործելով առկա մեխանիզմները, մինչև հիմնադրամի բաշխող ենթակառուցվածքների գործարկվելը։ ԳՄՀ-ն Իսրայելին խնդրել է նաև նշել տարածաշրջանի հյուսիսային մասում այն վայրերը, որտեղ կտեղակայվեն մարդասիրական օգնության բաշխման կետերը։