«Տատս էր ասում՝ էշն ինչ գիտի, նուշն ինչ է»․ Նարեկ Գրիգորյան

ԱԺ «Քաղաքացիական պայմանագիր» խմբակցության պատգամավոր Նարեկ Գրիգորյանի կարծիքով՝ ընդդիմադիրները թիրախավորել են վարչապետի տիկնոջը․ «Նախանձություն կա մեջները՝ ընդդեմ տիկին Հակոբյանի, քանի որ, երբ տիկին Հակոբյանը գալիս է մարզեր «Կրթվելը նորաձև է»-ի շրջանակներում, պետք է տեսնեք՝ ոնց են իրեն սիրում ու դիմավորում»,- ասաց Գրիգորյանը՝ հավելելով, որ վարչապետին և կնոջը թիրախավորող լուրերը, թե ինչ-որ սուպերմարկետներ են պատկանում նրանց, սուտ են։ «Ողորմած տատս էր ասում՝ էշն ինչ գիտի, նուշն ինչ է, անկիրթն ինչ գիտի՝ կրթվելն ինչ է. այո, բոլորս կրթվելու կարիք ունենք, շնորհակալություն եմ հայտնում Աննա Հակոբյանին մեր հանրությանն ավելի կրթված դարձնելու համար»,- ասաց նա։