«Հնդկաստանը Պակիստանի հետ կբանակցի միայն զինվորականների մակարդակով»․ #HindustanTimes

Հնդկաստանը Պակիստանի հետ կբանակցի միայն ռազմական մակարդակով, քաղաքական շփումներ չեն լինի։ Այս մասին հաղորդում է «Hindustan Times» թերթը՝ հղում կատարելով իր աղբյուրներին։

«Մենք ի սկզբանե այն կարծիքին էինք, որ Հնդկաստանի և Պակիստանի միջև միակ բանակցությունները, որոնք տեղի կունենան, կլինեն ռազմական հրամանատարների միջև, անմիջականորեն քաղաքական բանակցություններ չեն լինի»,- նշել են աղբյուրները՝ հաստատելով, որ Հնդկաստանի վարչապետի ազգային անվտանգության հարցերով խորհրդական Աջիտ Դովալի և Հնդկաստանի արտաքին գործերի նախարար Սուբրամանյամ Ջայշանկարի ու նրանց պակիստանցի գործընկերների միջև որևէ շփում չի եղել։

Բացի այդ, պաշտոնական Նյու Դելին կարծում է, որ Քաշմիրի հարցում Իսլամաբադի հետ քննարկելու ոչինչ չկա, բացի Պակիստանի կողմից «անօրինականորեն օկուպացված» տարածքները Հնդկաստանին վերադարձնելուց, և այս թեմայի շուրջ քննարկումները պետք է անցկացվեն առանց միջնորդների: