Փոխհրաձգություն և հրետանային կրակ՝ Հնդկաստանի և Պակիստանի սահմանին
![]() Մայիսի 8-ի գիշերը Պակիստանը չհրահրված հրետակոծություն է սկսել Ջամմուի և Քաշմիրի տարածքում։ Այս մասին հայտարարել են Հնդկաստանի զինված ուժերը։ «Մայիսի 7-ի լույս 8-ի գիշերը Պակիստանի զինված ուժերը չհրահրված հրաձգություն են սկսել և հրետանային կրակ բացել Ջամմուի և Քաշմիրի Կուպվարա, Բարամուլլա, Ուրի և Ախնովա քաղաքների դիմաց գտնվող վերահսկողության գծի երկայնքով», - Հնդկակաստանի զինվորականների խոսքերն է մեջբերել ANI-ն։ Նշվում է, որ Հնդկաստանի ցամաքային ուժերը համաչափորեն են պատասխանել պակիստանյան հարձակմանը։ Միաժամանակ հաղորդվում է, որ Պակիստանի Լահոր քաղաքի Ուոլթոն օդանավակայանի մոտակայքում (Հնդկաստանի հետ սահմանին) մի շարք պայթյուններ են լսվել, Samaa հեռուստաալիքին հայտնել են ոստիկանության ներկայացուցիչները։ Geo TV-ն նույնպես հայտնել է Լահորի օդանավակայանի մոտակայքում տեղի ունեցած պայթյունների մասին։ Հաղորդվում է, որ օդանավակայանի մոտակայքում հնդկական հետախուզական անօդաչու թռչող սարք է խոցվել։ Հիշեցնենք՝ ապրիլի 22-ին Հնդկաստանի և Պակիստանի միջև հակամարտությունը սրվեց Ջամմու և Քաշմիր շրջաններում զբոսաշրջիկների վրա ահաբեկչական խմբի հարձակումից հետո։ Ահաբեկչական հարձակման հետևանքով զոհվել էր առնվազն 27 մարդ։ Տեղի ունեցածի մեջ Հնդկաստանը մեղադրում է Պակիստանին։
|

Ավետ Կոնջորյանի «հարցով» դիմել են ՔՊ վարչությանը. կուսակցությունից կհեռացնե՞ն․ «Ժողովուրդ»
3809:06
«Այս ամենը տեղավորվում է Նիկոլի հնարած «Իրական Հայաստանի» քաղաքական տրամաբանության մեջ»․ Արմեն Հովասափյան
6908:30
«Կառավարությունն ում համար է բարերար, ում համար՝ վնասատու և չարագործ»․ Սևակ Հակոբյան (տեսանյութ)
14403:06
«Սեփական մեղքը փորձում են բարդել նրանց վրա, ովքեր ծառայել են հայրենիքին»․ Միհրան Մախսուդյան
12002:06
«Ջրային ռեսուրսներին վերաբերող հարցերը լուրջ նշանակություն ունեն Բաքվի համար»․ Վարդան Ոսկանյան
14001:06
Համբուրգում ցուցարարները պահանջում են Մերցի հրաժարականը (տեսանյութ)
21700:31
