Մայիսի 5-ից Skype-ը կդադարեցնի իր գործունեությունը

Skype կապի ծառայությունը կդադարեցնի գործունեությունը մայիսի 5-ին, հայտնել է ծառայությունը՝ օգտատերերին ուղղված հաղորդագրության մեջ։

Microsoft-ը, որին պատկանում է Skype-ը, մայիսի 5-ից կկենտրոնանա Teams-ի՝ հաղորդակցության և համատեղ աշխատանքի համար նախատեսված մեկ այլ հարթակի մշակման ուղղությամբ: Skype-ից Teams-ին անցումն անվճար է օգտատերերի համար և հաշվի մուտքագրման փոփոխություն չի պահանջում:

«Ձեր բոլոր կոնտակտներն ու հաղորդագրությունները կփոխանցվեն ավտոմատ կերպով։ Առաջիկա օրերին կստանաք ծանուցում՝ Skype հավելվածում անհրաժեշտ գործողությունները կատարելու առաջարկով»,- նշվում է տեղեկագրում։

Հաղորդվում է, որ Skype-ի տվյալներն օգտատերերի համար հասանելի կլինեն մինչև 2026 թվականի հունվարը։ Տվյալներն ինքնուրույն կջնջվեն, եթե մինչև 2026 թվականի հունվարը որևէ գործողություն չձեռնարկվի։