«Իրանը չպետք է արգելի ԱՄՆ տեսուչների մուտքն իր միջուկային օբյեկտներ»․ Ռուբիո

ԱՄՆ պետքարտուղար Մարկո Ռուբիոն հայտարարել է, որ Իրանը պետք է թույլ տա միջազգային տեսուչներին ստուգումներ անցկացնել իր բոլոր, այդ թվում՝ ռազմական միջուկային օբյեկտներում։ Այս մասին նա ասել է Fox News-ին տված հարցազրույցում՝ մեկնաբանելով միջուկային ծրագրի վերաբերյալ նոր համաձայնագրի հնարավոր պայմանները։

«Եթե Իրանն իսկապես ցանկանում է խաղաղ միջուկային էներգիա, այլ ոչ թե զենք, ապա չպետք է վախենա ստուգումներից, այդ թվում՝ ամերիկացի տեսուչների մասնակցությամբ։ Խաղաղ միջուկային ծրագրեր ունեցող երկրները չեն հարստացնում ուրան կամ չեն թաքցնում օբյեկտները», - ասել է Ռուբիոն՝ առաջարկելով մոդել, որի համաձայն Իրանը կներմուծի հարստացված ուրան ատոմակայանների համար։

Պետքարտուղարը նշել է, որ Վաշինգթոնը պատրաստ է Թեհրանին առաջարկել «խաղաղության ուղի և տնտեսական զարգացում՝ ահաբեկչությանը աջակցելուց, հեռահար հրթիռներ մշակելուց և ուրանը հարստացնելուց հրաժարվելու դիմաց»։

«Նախագահ Թրամփը պատերազմ չի ուզում, բայց մենք չենք կարող թույլ տալ, որ Իրանը միջուկային զենք ունենա», - եզրափակել է Ռուբիոն։