«Պայթյունի պատճառ կարող էր լինել դիվերսիան կամ սաբոտաժը»․ Իրանի Մեջլիսի անդամ

Իրանի իշխանությունները չեն բացառում, որ Բանդար Աբբաս նավահանգստում պայթյունը կարող էր տեղի ունենալ դիվերսիայի կամ սաբոտաժի արդյունքում։ Այս մասին հայտարարել է երկրի Մեջլիսի (խորհրդարան) ազգային անվտանգության և արտաքին քաղաքականության հանձնաժողովի անդամ Մոհամմադ Մեհդի Շահրիարին։

«Միջադեպը կարող էր տեղի ունենալ, ի թիվս այլ պատճառների, FPV ԱԹՍ-ների հարձակման, կամ դիվերսիայի արդյունքում, հնարավոր է՝ դրսից ներթափանցած մարդկանց մասնակցությամբ։ Հիմնական տարբերակներից մեկը կարող է լինել այն, որ դա դիվերսիայի արդյունք է՝ ինչպիսիք են FPV անօդաչու թռչող սարքերի հարձակումը կամ դիվերսանտների ներթափանցումը»,- ասել է խորհրդարանականը Rouydad 24 պորտալին տված հարցազրույցում։

Հիշեցնենք՝ Իրանի հարավում Բանդար Աբբաս նավահանգստային քաղաքում տեղի ունեցած հզոր պայթյունի պատճառն Իրանի ՆԳՆ-ն համարել էր անփութությունը։